如果你都係睇住港產片長大，或者對香港電影充滿熱愛，呢套「香港電影主題收藏系列」一定會令你心動！無論你係想珍藏定送俾朋友，呢幾款小物件都充滿情懷同心思～
百映卡牌（$70）
- 首先係一副啤牌(57x88mm)，卡紙上印有14款手繪圖案，靈感全部取材自香港電影經典情節同不朽台詞！由舊時嘅經典到近年最熱門嘅電影，每一張牌都係一個故事、一幕回憶，等你喺玩啤牌嘅同時重溫每一個經典場景！
光影記憶（$30）
- 其次係六款鎖匙扣(50x50mm)，同樣以港產片作主題，將當中令人記憶深刻嘅場景畫面化成鎖匙扣。特種紙同菲林膠片嘅組合，令質感更加出眾、更具電影氣息，掛喺鎖匙上，隨時隨地都可以感受返電影嘅魅力！
銀幕郵差（$15）
- 仲有票根為設計靈感推出嘅兩款明信片(150x50mm)，銅版紙上分別印有兩句深入人心語句，充滿心意。唔止可以用嚟收藏，仲可以寫上心底嘅說話，將心意傳達俾重要嘅人！
呢套產品唔單止係對港產片嘅致敬，亦係一個充滿溫度嘅珍藏系列。無論你係電影迷，定係鍾意有特色嘅精品，呢幾款都值得擁有！快啲入手，將香港獨有嘅電影情懷帶返屋企啦！"
